साउन १ गतेदेखी धादिङका यातायात व्यवसायीहरूले बढाएको सार्वजनिक यातायातको भाडा र पेट्रोलियम पदार्थको मृल्यबृद्धि घटाउन नेपाल विद्यार्थी संघ नीलकण्ठ क्याम्पस इकाईले अपिल गरेको छ ।

संघीय सरकारले अन्तर प्रदेश चल्ने सार्वजनिक सवारीको भाडा समायोजन गरेपछि धादिङका व्यवसायीहरुले बढाएको भाडादर तत्काल घटाएर पुरानै भाडादर कायम राख्न नेपाल विद्यार्थी संघ नीलकण्ठ क्याम्पस इकाईलेले विज्ञप्ती मार्फत अपिल गरेको हो ।

धादिङका यातायात व्यवसायी संघ सस्थाले अवैज्ञानिक, असन्तुलित र मनोमानी रूपमा गरिएको भाडा वृद्धि प्रति नेपाल विद्यार्थी संघ निलकण्ठ बहुमुखी क्याम्पस इकाई घोर आपत्ति प्रकट गर्दछौ। तत्काल भाडा वृद्धि फिर्ता नगरेमा ने वि संघ निलकण्ठ बहुमुखी क्याम्पस इकाई कडा संघर्ष गर्न बाध्य हुने चेतावनी दिन चाहन्छौ ,अध्यक्ष कविराज श्रेष्ठद्वारा हस्ताक्षरित विज्ञप्तीमा भनिएको छ ।

पेट्रोलियम पदार्थको मुल्य र यातायातको भाडादरमा वृद्धिले दैनिक उपभोग्य वस्तुको मुल्य समेत बढ्ने भएकाले जनताको जीविका र विद्यार्थीको दैनिक जीवन कष्टकर बन्ने भएकोले पेट्रोलियम पदार्थको मुल्य र भाडादरमा गरिएको वृद्धि फिर्ता लिन आग्रह गरिएको विज्ञप्तीमा भनिएको छ ।

यसअघि माओवादी केन्द्र निकट अखिल क्रान्तिकारी विद्यार्थी संगठनले पनि समायोजित भाडादर फिर्ता लिन विज्ञप्ती मार्फत आग्रह गरिसकेको थियो ।



यता यातयात व्यवसायीले भने २८ प्रतिशत बृद्धि भएको भाडादर कामय हुनुपर्ने माग राख्दै मंगलबारदेखी अनिश्चित समय सम्मका लागि यातायात बन्द गराएका छन् ।

संघीय सरकारले अन्तर प्रदेश चल्ने सार्वजनिक सवारीको भाडा समायोजन गरेपनि एउटै प्रदेशभित्र चल्ने र स्थानीय तहमा चल्ने सवारीको भाडा समायोजन गरेको छैन । तर, धादिङका व्यवसायीहरुले धादिङबेसीबाट छुट्ने र काठमाडौबाट छुट्ने सबै रुटको भाडा आफुखुसी २८ प्रतिशतले बढाएका थिए ।

 

Facebook Comments