सदरमुकाम धादिङवेशींमा साउन १ गतेदेखी संञ्चालित पाठ्यक्रम प्रवोधिकरण एवम् विषयगत तालिम मंगलबार सकिएको छ ।

पाठ्यक्रम परीवर्तन भइरहदाँ र शिक्षकहरुलाई नयाँ पाठ्यक्रमको सहजीकरण गर्न सहज होस् भन्ने उद्देश्यले निलकण्ठ नगरपालिकाको शिक्षा शाखाले तालिमको आयोजना गरेको हो । कक्षा ६ र ८ को पाठ्यक्रम परिवर्तन भएकोले पाठ्यक्रम प्रवोधिकरण तालिमको आयोजना गरिएको नीलकण्ठ नगरपालिकाका स्रोत व्यक्ती मेघनाथ कोइरालाले जानकारी दिनुभयो ।

तालिममा विषयगत शिक्षकहरुलाई परेको समस्या, र समधानका उपायका बारेमा छलफल भएको थियो । कोभिडपछि विद्यालयमा शैक्षिक गतिविधि सञ्चालन गर्ने अवस्था भएमा शिक्षकहरुलाई परिवर्तित पाठ्यक्रममा कसरी शिक्षण गर्ने थाहा नहुदा समस्या हुने हुदाँ तालिमको संञ्चालन गरेको स्रोत व्यक्ती कोईरालाले बताउनुभयो । तालिममा नया परीवर्तित पाठ्यक्रम अनुसार प्रावीधिक, सिप र विधिहरुको प्रयोग गर्ने र विद्याथीहरुलाई समय सापेक्षित शिक्षण सिकाई गर्नु पर्ने उहाँले बताउनुभयोे ।

अङग्रेजी, विज्ञान, गणित, नेपाली र सामाजीक विषयलाई आधार मानेर सञ्चालन गरीएको तालिममा नीलकण्ठ नगरपालिकाका कक्षा ६ र ८ का ४० वटा विद्यालयका प्रत्येक दिन फरक फरक विषयका ४० जना विषय शिक्षकहरुको सहभागीता रहेको थियो ।

Facebook Comments