२०८३ कार्तिक ३०, आईतबार | --:--:--
ब्रेकिङ खबर
Dhading update

टी–२० क्रिकेटमा ७०० विकेट लिने पहिलो बलर बने राशिद खान

टी–२० क्रिकेटमा ७०० विकेट लिने पहिलो बलर बने राशिद खान

अफगानिस्तानका राशिद खान टी–२० क्रिकेटमा ७०० विकेट लिने पहिलो बलर बनेका छन् ।

आईसीसी टी–२० विश्वकप क्रिकेटअन्तर्गत भारतको दिल्लीमा रहेको अरुण जेटली स्टेडियममा आज भएको संयुक्त अरब इमिरेट्स (यूएई) सँगको खेलमा २७ वर्षीय राशिदले यो उपलब्धि हासिल गरेका हुन् । उनले यूएईका मोहम्मद अरफानलाई आउट गरे ।

राशिदले ५१७ खेलमा ७०० विकेट लिएका हुन् । टी–२० क्रिकेटमा सबैभन्दा धेरै विकेट लिने बलरको दोस्रो स्थानमा वेस्ट इन्जिका ड्वेन ब्राभो रहेका छन् । ब्राभोले ५८२ खेलमा ६३१ विकेट लिएका छन् । यस्तै यो सूचीमा तेस्रो स्थानमा रहेका वेस्ट इन्डिजकै सुनिल नरायनले ५८३ खेलमा ६१३ विकेट लिएका छन् ।

राशिद खान टी–२० अन्तर्राष्ट्रिय क्रिकेटमा सबैभन्दा धेरै विकेट लिने बलर पनि हुन् । राखिदले टी–२० अन्तर्राष्ट्रिय क्रिकेटमा १९१ विकेट लिएका छन् । यो सूचीमा दोस्रो स्थानमा १६४ विकेटसहित न्युजिल्यान्डका टिम साउथी र १६२ विकेटसहित न्युजिल्यान्डकै इश सोधी छन् ।

यो समाचार सेयर गर्नुहोस्
धादिङ अपडेट लेखकको सबै आर्टिकल

प्रतिक्रिया दिनुहोस्

तपाईंको इमेल ठेगाना प्रकाशित गरिने छैन। * चिन्ह भएका फिल्ड अनिवार्य छन्।