तमू ह्यूल छोंज धीं (गुरुङ) राष्ट्रिय परिषद् बागमती प्रदेश समितिको अध्यक्षमा धादिङका तुलबहादुर गुरुङ निर्विरोध चयन हुनुभएको छ । शनिबार धादिङबेसीमा सम्पन्न भएको तेस्रो अधिवेशनले तुलबहादुर गुरुङको अध्यक्षतामा १० सदस्सीय नयाँ कार्य समिति चयन गरेको हो ।
समितिको वरिष्ठ उपाध्यक्षमा सिन्धुपाल्चोकका राजाराम गुरुङ, उपाध्यक्षमा चितवनका किशोर गुरुङ, महिला उपाध्यक्षमा काठमाण्डौंकी शारदा गुरुङ, सचिवमा ललितपुरकी डा.लिना गुरुङ, संगठन सचिवमा मकवानपुरका बलबहादुर गुरुङ, प्रचार सचिवमा सिन्धुपाल्चोककी पवित्रा गुरुङ, कोषाध्यक्षमा नुवाकोटका उद्धव कुमार गुरुङ चयन हुनुभएको छ ।
यस्तै सदस्यहरुमा धादिङकी कल्पना तमूस्यो र चितवनका घनसिं गुरुङ रहनुभएको छ । बाँकी सदस्यहरु पछि मनोनित गर्ने तमू ह्यूल छोंज धीं (गुरुङ) राष्ट्रिय परिषद् बागमती प्रदेश समितिले जनाएको छ । अधिवेशनको तमू ह्यूल छोंज धीं (गुरुङ) राष्ट्रिय परिषदका केन्द्रिय अध्यक्ष धनमान गुरुङले उद्घाटन गर्नुभएको हो ।
