नेपाल तमू (गुरुङ) विद्यार्थी छोंज धीं जिल्ला कार्य समिति धादिङको अध्यक्षमा प्रशान्त गुरुङ सर्वसम्मत चयन हुनुभएको छ । धादिङबेसीमा सम्पन्न सातौं जिल्ला अधिवेशनबाट प्रशान्त गुरुङको अध्यक्षतामा १७ सदस्सीय नयाँ कार्य समिति चयन गरिएको हो ।
समितिको वरिष्ठ उपाध्यक्षमा पासाङ गुरूङ, उपाध्यक्षमा विन्दु गुरूङ, सचिवमा विशाल गुरूङ,सह–सचिवमा शिशिर गुरूङ, कोषाध्यक्षमा सुष्मा गुरूङ, संगठन विभाग प्रमुखमा दिपिका गुरूङ, प्रचार प्रसार प्रमुखमा प्रतिभा गुरूङ, शैक्षिक विभाग प्रमुखमा मनिषा गुरूङ, भाषा साहित्य विभाग प्रमुखमा मिस्मा गुरूङ चयन हुनुभएको छ । यस्तै हिजो नै सम्पन्न भएको तमूस्यो ह्यूल छोंज धीं गुरुङ महिला राष्ट्रिय परिषद् जिल्ला कार्य समिति धादिङको छैटौं अधिवेशनले पुनः जमुना तमूस्योको अध्यक्षतामा २१ सदस्सीय नयाँ कार्य समिति चयन गरेको छ ।
समितिको वरिष्ठ उपाध्यक्षमा अलका तमूस्यो, सचिवमा सिता तमूस्यो, कोषाध्यक्षमा कल्पना तमूस्यो चयन हुनुभएको छ ।अधिवेशनकै अवसरमा नीलकण्ठ बालमन्दिर माध्यमिक विद्यालयबाट एसईई परिक्षामा ४ जिपिएर ल्याउन सफल प्रसंशा गुरुङलाई सम्मान समेत गरिएको थियो ।
तमूस्यो ह्यूल छोंज धीं गुरुङ महिला राष्ट्रिय परिषद् जिल्ला कार्य समिति धादिङकी अध्यक्ष जमुना तमूस्योको अध्यक्षतामा सम्पन्न भएको अधिवेशन उद्घाटन समारोहमा तमू ह्यूल छोंज धीं गुरुङ राष्ट्रिय परिषदका केन्द्रिय सह–महासचिव गोपाल गुरुङको प्रमुख आतिथ्यता तथा नेपाल तमू गुरुङ विद्यार्थी छोंज धींका केन्द्रिय अध्यक्ष पवन गुरुङ, महासचिव अनिल तमू, तमूस्यो ह्यूल छोंज धीं गुरुङ महिला राष्ट्रिय परिषद् केन्द्रिय समिति उपाध्यक्ष पार्वती तमूस्यो, नीस्लकण्ठ नगरपालिका वडा नम्बर २ का वडा अध्यक्ष ध्वजबहादुर गुरुङ, ज्वालामुखी गाउँपालिका वडा नम्बर ४ का वडा अध्यक्ष कृष्ण गुरुङको विशेष आतिथ्य रहेको थियो । यस्तै तमू ह्यूल छोंज धीं गुरुङ राष्ट्रिय परिषद् जिल्ला कार्य समिति धादिङकाका पदाधिकारी, धादिङबेसी तमू समाजका पदाधिकारीहरु, विभिन्न जातिय संघ संस्थाका अध्यक्ष तथा प्रतिनिधहरुको उपस्थिति रहेको थियो।
