राष्ट्रिय स्वतन्त्र पार्टी (रास्वपा) नीलकण्ठ नगरपालिका ९ नम्बर वडा इकाई कमिटिले शरण गुरुङ बचाउ अभियानमा आर्थिक सहयोग गरेको छ ।
अप्लाष्टि एनिमिया रोगबाट पिडित नीलकण्ठ नगरपालिका वडा नम्बर ९ काफलपानीका गुरुङलाई थोरै भएपनि राहत मिलोस् भन्ने उद्देश्यले कमिटिका सदस्यहरुबाट सहयोग रकम संकलन गरेको वडा उपसभापति प्रकाश थापा मगरले जानकारी दिनुभयो ।
संकलित सहयोग रकम १५ हजार ५ रुपैयाँ बिरामी शरण गुरुङको बैंक खातामा जम्मा गरिएको उपसभापति मगरले बताउनुभयो । यतिबेला शरण गुरुङको उपचारको लागि विभिन्न संघ संस्था तथा सहयोगी व्यक्तीहरुले सहयोग गरिरहेको छ ।
