भदौ ३, धादिङ ।
बाग्मती प्रदेशको मुख्यमन्त्रीमा अष्टलक्ष्मी शाक्य (बोहोरा) ले बुधबार साँझ सपथग्रहण गरेकी छिन् । सपथ ग्रहण लगत्तै मुख्यमन्त्री शाक्यले दुई मन्त्री नियुक्त गरेकी छन् । उनले आन्तरिक मामिला तथा भौतिक पूर्वाधार मन्त्रीमा केशव पाण्डे र सामाजिक विकास मन्त्रीमा कृष्ण खनाललाइ नियुक्त गरेकी हुन् । शाक्य नेपालको पहिलो महिला मुख्यमन्त्री बनेकी हुन् । बुधबार नै निवर्तमान मुख्यमन्त्री डोरमणी पौडेलले संसदीय दलको नेताबाट राजिनामा दिएर अष्टलक्ष्मी शाक्यालाई दलको नेता बनाएको थियो ।
नेकपा (एमाले) विभाजन भएको र माधव नेपालले नेकपा एमाले (समाजवादी) नामको नयाँ दल दर्ताको लागि निर्वानच आयोगमा निवेदन दर्ता गरेका छन् । लामो समयदेखि नेता नेपालको पक्षमा रहेकी शाक्यले पछिल्लो समय नेपालको साथ छोडेकी थिईन् । उनी आफू एकताको पक्षधर भन्दै अध्यक्ष केपी शर्मा ओलीको पक्षमा उभिएकी हुन् ।
