चर्चित गायक तथा संञ्चारकर्मी श्याम कुमार श्रेष्ठ (श्याम सितल) एनआरएनए जापानको सचिवमा निर्वाचित हुनुभएको छ ।

आफू निर्विरोध सचिवमा निर्वाचित भएको श्याम सितलले सामाजिक संजाल फेसबुक मार्फत जानकारी गराउनुभएको हो । एनआरएनए जापानको दुईजना सचिव हुने प्रवाधान अनुरुप दुई जनाको मात्रै सचिव पदमा उम्मेदवारी परेको थियो ।

गैर आवसीय नेपाली संघ राष्ट्रिय समन्वय परिषद जापानको सचिब पदमा निर्वाचित हुन पाएकोमा खुशी व्यक्त गर्दै साथ र सहयोगका लागि सबैलाई धन्यवाद दिनुभएको छ । धादिङका गंगाजमुना गाउँपालिका घर भई जापान बस्दै आएका राजकुमार अधिकारीले उपाध्यक्ष पदमा र नेत्रावती डवजोङका कृष्ण खनालले कोषाध्यक्ष पदमा उम्मेदवारी दिएका छन् ।

एनआरएनए जापानको जुलाई २७ मा हुने उक्त निर्वाचनका लागि ९ हजार ३ सय मतदाता छन् । धादिङवेशीं घर भएका श्याम सितल  १ दशकदेखि जापानमा बस्दै आउनुभएको छ ।

Facebook Comments