धादिङका ७१ जनामा कोरोना भाइरस संक्रमण पुष्टि भएको छ ।
संक्रमण पुष्टि हुनेमा निलकण्ठ नगरपालीकामा ३३ जना, गल्छी गाउपालिकामा ११ जना, गजुरी गाउपालिकामा २ जना, त्रिपुरासुन्दरी गाउपालिकामा ५ जना, गंगाजमुना गाउपालिकामा २ जना, धादिङ्ग हस्पिटलमा १८ जना रहेको स्वास्थ्य कार्यालय धादिङले जानकारी दिएको छ ।
सोमबार एन्टीजेन परिक्षण गरिएका १ सय २८ जनामध्ये ३३ जनामा पोजिटिभ आएको छ ।
योसगैँ जिल्लाको सक्रिय संक्रमितको संख्या ५ सय ६३ पुगेको छ । संक्रमितमध्ये जिल्ला भित्र जिल्ला हस्पिटल आइसोलेसनमा १३, संस्थागत आइसोलेसनमा ३ र होम आइसोलेसनमा ५ सय ४७ रहेका छन् ।
त्यस्तै सोमबार ३५ जना संक्रमण मुक्त भएका छन् । धुनिबेसि नगपालिकामा सोमबार ५ जनाको स्वाब संकलन गरीएको छ ।
