स्वतन्त्र नागरिक अभियान धादिङले मंगलबार पनि बहुचर्चित मिलेनियम च्यालेन्ज कर्पोरेसन (एमसीसी) विरुद्ध धादिङबेसीमा विरोध प्रदर्शन गरेको छ ।
केहि सीमित व्यक्तिहरुका लागि एमसीसी बरदान भएपनि नेपालको देशको सार्वभौमिकता र बहुसंख्यक जनताको लागि घातक भएकोले यसलाई कुनै पनि हालतमा सदनबाट पास गर्न नहुने बरु नेपालबाटै फिर्ता पठाइदिनु पर्ने प्रदर्शनकारीहरुले बताएका छन् । यस अघि गत साउन १६ गते शनिबार पनि एमसीसी विरुद्ध धादिङवेशींमा विरोध प्रर्दशन गरेको थियो ।
एमसीसीको विषयमा नेपालमा कतिपयले एमसीसी सिधै पास गराउनु पर्ने, कतिपयले संशोधनसहित पारित गर्नुपर्ने भनेर बहस तथा छलफल गर्दै आएको छ भने एमसीसी कतिपयले राष्ट्रघाती संझौता भएकोले कुनै पनि हालतमा गर्न नहुने भन्दै विरोध गर्दै आएका छन् ।
