भ्वाइस अफ नेपाल सिजन-३ को विजेता किरण गजमेर बनेका छन् । शनिबार राति सम्पन्न ग्रान्ड फिनालेमा प्रतिस्पर्धीहरु ज्वाला राई, आर्यन तामाङ र तारा श्रीष मगरलाई पछि पार्दै किरण विजेता बन्न सफल भएका हुन् ।
टिम प्रमोदका गजमेरले फिनालेमा मन्त्र ब्यान्डको हिमाली नेपाली बोलको गीतमा प्रस्तुति दिएका थिए । विजेता भएसँगै किरणले नगद २५ लाख रूपैयाँ पनि प्राप्त गर्नुभएको छ ।
झापाको खुदुनाबारी शरणार्थी शिविरमा जन्मिएकाकिरण भुटानबाट सर्वस्व त्यागेर उनको परिवार नेपाल आएका थिए ।
हाल अमेरिका बस्दै आएका किरणले भ्वाइसको ट्रफी उचाल्दा आफूले नेपाली नागरिकता पाएजस्तो अनुभव भएको प्रतिक्रिया दिनुभएको छ
भ्वाइसको कार्यक्रममा गायिका प्रविशा अधिकारी, राजेश पायल राईले गायन प्रस्तुति दिएका थिए ।
