नेपाल मास्क अभियानका अवसरमा सोमबार जिल्ला प्रहरी कार्यालय धादिङले जनचेतनामुलक कार्यक्रम संञ्चालन गरेको छ ।
हाल फैलिरहेको कोभिड–१९ महामारी बच्नको लागि नेपाल सरकारद्वारा संचालनमा ल्याएको नेपाल मास्क अभियान अन्तर्गत जनचेतनामुलक कार्यक्रम संञ्चालन गरेको जिल्ला प्रहरी कार्यालय धादिङले जनाएको छ ।
अभियान अन्र्तरगत आज सदरमुकाम धादिङवेशीं स्थित विपि चोकबाट तपाईको मास्क खोई ? मास्क अनिवार्य प्रयोग गरौं लेखिएका व्यानर र प्ले कार्ड बोकी जनचेतनामुलक कार्यक्रम सहित बजार परिक्रमा गरेको थियो । साथै मास्क नलगाई हिड्ने सर्वसाधारणहरुलाई मास्क समेत वितरण गरेको थियो ।
नेपाल रेडक्रश सोसाइटी धादिङ र उद्योग वाणिज्य सघ धादिङको सहयोगमा प्राप्त १ हजार थान मास्क वितरण गरेको हो । बजार परिक्रममा प्रमुख जिल्ला अधिकारी ज्ञान प्रसाद ढकाल, जिल्ला प्रहरी कार्यालय धादिङका प्रमुख प्रहरी उपरिक्षक महेन्द्र खड्का, स्वास्थ्य कार्यालय धादिङका प्रमुख‚ सशस्त्र प्रहरी बल अनाश्रित गुल्म धादिङवेसीका प्रमुख‚ सरोकारवाला निकाय तथा अन्य संघसस्थाका प्रमुख एवं प्रतिनिधिहरुको उपस्थिति रहेको थियो ।
स्वास्थ्य मन्त्रालय अन्तर्गत राष्ट्रिय शिक्षा, सूचना तथा सञ्चार केन्द्रले “महामारी नियन्त्रण र रोकथाममा मेरो प्रतिवद्धता, मास्क लगाउनु नै हो आजको आवश्यकता” भन्ने नाराका साथ एक साताका लागि यो अभियानको सुरुवात भएको हो ।
फोटो हेर्नुहोस् :-
तस्विर : जिल्ला प्रहरी कार्यालय धादिङ
