यहि साउन २३ गतेदेखी एक साता सम्म नेपाल मास्क अभियान सुरुवात भएको छ। मास्क अभियान अन्र्तरगत धादिङमा पनि सरकारी तथा गैरसरकाी संघ संस्थाहरुले जनचेतनामुलक कार्यक्रम गरिरहेको छ । सोही क्रममा मंगलबार पनि सदरमुकाम धादिङबेशीमा मास्क वितरण गरेको छ । पत्रकार महासंघ, रोटरी क्लव र हृदयरोग निवारण संस्थाले संयुक्त रुपमा कार्यक्रम गरेको हो ।
स्वास्थ्य सुरक्षाको लागि सरकारले सञ्चालन गरिरहेको मास्क सप्ताह मनाउँदै समाजमा जनचेतना अभिवृद्धि गर्न पुछारबजारमा क्षेत्रमा मास्क नलगाइ हिड्ने यात्रु, सवारी चालक तथा व्यापारीहरुलाई मास्क वितरण गरेको हो ।
मास्क वितरणसँगै मास्कको सही तरिकाले प्रयोग गर्न समेत सचेत गराईएको थियो ।
स्वास्थ्य मन्त्रालय अन्तर्गत राष्ट्रिय शिक्षा, सूचना तथा सञ्चार केन्द्रले “महामारी नियन्त्रण र रोकथाममा मेरो प्रतिवद्धता, मास्क लगाउनु नै हो आजको आवश्यकता” भन्ने नाराका साथ मनाइरहेको मास्क सप्ताह धादिङमा हिजोदेखि विभिन्न सरकारी तथा गैरसरकारी संघसंस्थाले सचेतनाको कार्यक्रम गर्दै आएको छ ।
