धादिङको गजुरी गाउँपालिका वडा नम्बर ७ भालखोप भस्मेखर्कका स्थानियहरु विगत ४ महिनादेखी अन्धकारमा बस्न बाध्य छन् ।
ट्रान्सफर्मर विग्रिएर विद्युत सेवा अवरुद्ध भएको यतिका समयमा सम्म पनि सरोकारवाला निकायले ध्यान नदिंदा भस्मेखर्कका ४५ घरधुरी अन्धकारमा बस्न बाध्य भएका हुन् ।
सम्बन्धीत निकायलाई पटक पटक ट्रान्सफर्मर विग्रिएको विषयमा जानकारी गराउदा पनि वेवास्ता गरेको स्थानिय समाजसेवी जितबहादुर तामाङले जानकारी दिनुभयो । विद्युत नहुँदा यतिवेला कुटानी पिसानी देखी लिएर विद्यार्थीको पढाई समेत प्रभावित बनेको तामाङले बताउनुभयो ।
विद्यालयले वैकल्पिक विधि अपनाउँदै अनलाईन कक्षा संञ्चालन भईरहेको भएपनि आफ्ना छोरा छोरीले पढ्न नपाएको गुनासो गर्नुभयो । पानी पर्नु अगावै ट्रान्सफर्मर बनाउनुपर्छ भनेर पटक पटक ताकेता गर्दा पनि सुनुवाई भएन अहिले वर्षायामको वहाना गरेर टार्न खोजेको उहाँको आरोप छ । गाउँपािलका र वडाले पनि यस विषयमा चासो नदिएको तामाङले बताउनुभयो ।
यता बेल्खु खोला ग्रामिण विद्युत सहकारी संस्थाका अध्यक्षले भने वर्षायामका कारण ट्रान्सफर्मर गाउँमा लैजान नसकेको बताएका छन् । नियतबस नभई मौसमकै कारण ट्रान्सफर्मर लैजान नसकिएको अध्यक्ष हरिशरण तामाङले दावी गर्नुभयो । अन्य ३ ओटा क्षेत्रमा पनि ट्रान्सफर्मर लैजानपर्ने भएकाले मौसम राम्रो हुने वित्तिकै ट्रान्सफर्मर लैजाने बताउनुभयो ।
ग्रामिण भेगमा विद्यतु सेवा पु¥याउने उद्देश्यले नेपाल सरकारको सञ्चालन गरेको सामुदायिक विद्युतिकरण कार्यक्रम अन्र्तरगत जयदुर्गेदेवी जेभीले साढे ८ करोडको लागतमा वि.स.२०६९ सालमा ठेक्का सम्झैता गरि गाउँमा बत्ती बल्न सुरु गरेको थियो ।
बेल्खुखोला ग्रामिण विद्युत सहकारी संस्थाले संञ्चालन गरिरहेको यो परियोजना अन्र्तरगत साविकको किराञ्चोक गाविसको ९ ओटै वडा र पिडा गाविसको ६ नम्बर वडाका गरि ११ सय घरधुरीले विद्युत उपभोग गर्दै आएका छन् ।
विभिन्न कारणले गर्दा निर्माण सम्पन्न भएको यतिका वर्ष सम्म पनि आयोजना समुदायलाई हस्तान्तरण नभएको वेल्खु खोला ग्रामिण विद्युत सहकारी संस्थाले जनाएको छ ।
