२ साउन, २०७८
शेरबहादुर देउवा नेतृत्वको सरकारले मंगलबार राष्ट्रपति समक्ष सीफारीस गरेको राजनीतिक दल सम्बन्धी अध्यादेश आज राष्ट्रपति विद्यादेवी भण्डारीले प्रमाणिकरण गर्नुभएको छ । मंगलबार बसेको मन्त्रिपरिषद बैठकले सो अध्यादेश राष्ट्रपतिसमक्ष सिफारिस गर्ने निर्णय गरेको थियो । नेपालको संविधानको धारा ११४ को उपधारा १ बमोजिम सरकारको सिफारिसमा राष्ट्रपति भण्डारीले अध्यादेश प्रमाणिकरण गरेको राष्ट्रपति कार्यालयले जनाएको छ । अध्यादेश राष्ट्रपतिले प्रमाणिकरण गरेसँगै जारी भएको छ ।
राजनीतिक दलसम्बन्धी ऐन संशोधन गर्न जारी गरिएको अध्यादेशमा कुनै पनि राजनैतिक पार्टी विभाजनको लागि पार्टी केन्द्रीय समिति वा संसदीय दलमध्ये एउटामा २० प्रतिशत मत पु¥याएमा दल विभाजन गर्न सकिने व्यवस्था गरिएको छ । यो अध्यादेश जारी भएसँगै अब नेकपा एमालेको मधव कुमार नेपाल, झलनाथ खनाल पक्ष र जसपाको महन्त ठाकुर र राजेन्द्र महतो समूहलाइ दल विभाजन गरि नयाँ दल दर्ता गर्न सहज भएको छ । यस अघि संविद्यानको राजनीतिक दल सम्बन्धी ऐनमा कुनै पनि राजनैतिक दल विभाजनको लागि पार्टी केन्द्रीय समिति र संसदीय दलमा ४० प्रतिशत मत पु¥याएमा दल विभाजन गर्न सकिने व्यवस्था गरिएको थियो । हाल नेकपा एमाले भीत्रको असन्तुष्ट माधव नेपाल, झलनाथ खनाल पक्ष र जसपाको राजेन्द्र महतो र महन्त ठाकुर पक्षको माग अनुसार यो अध्यादेश ल्याइएको हो । यो अध्यादेश जारी भएसँगै औपचारीक रुपमा नयाँ दल दर्ता गर्न माधव नेपाल, झलनाथ समूह र राजेन्द्र महतो, महन्त ठाकुर समूह आन्तरीक तयारीमा लागेको छ ।
