धादिङमा मंगलबार थप ५१ जनामा कोरोना भाइरसको संक्रमण पुष्टि भएको छ ।
मंगलबार थाक्रे गाउपालिकामा ४, रुबिभ्यालिमा २, गल्छीमा १, गजुरीमा १, गंगाजमुनामा १६, ज्वालामुखीमा २, धुनिबेसिमा ६, धादिङ्ग हस्पिटलमा १९ गरेर मंगलबार जिल्लामा ५१ जनामा कोरोना भाइरसको संक्रमण पुष्टि भएको हो ।
योसँगै जिल्ला भित्र ५०३ र जिल्ला बाहिर २३ गरेर धादिंगमा सक्रिय संक्रमितको संख्या ५२६ पुगेको छ । संक्रमितमध्ये जिल्ला भित्र हस्पिटल आइसोलेसनमा १९, संस्थागत आइसोलेसनमा १७ र होम आइसोलेसनमा ४६७ रहेका छन् ।
त्यसैगरी जिल्ला बाहिर हस्पिटल आइसोलेसनमा ५ र होम आइसोलेसनमा १८ रहेका छन् । मंगलबार धादिङमा ६८ जना कोरोना संक्रमणमुक्त भएका छन् ।
