धादिङमा बुधबार थप ५६ जनामा कोरोना भाइरस संक्रमण पुष्टि भएको छ ।
संक्रमण पुष्टि हुनेमा धुनिबेसि नगरपालिकामा ८ जना, गल्छी गाउपालिकामा ३ जना, गजुरी गाउपालिकामा १ जना, ज्वालामुखी गाउपालिकामा १० जना, त्रिपुरासुन्दरी गाउपालिकामा २३ जना, गंगाजमुना गाउपालिकामा १ जना, नेत्रवाति डबजोङ गाउपालिकामा १ जना, धादिङ्ग हस्पिटलमा ९ जनामा पोजिटिभ केश देखिएको स्वास्थ्य कार्यालय धादिङले जनाएको छ ।
बुधबार एन्टीजेन परिक्षण गरीएका १ सय ६८ जनामध्ये ५५ जनामा पोजिटिभ आएको छ । योसगैँ जिल्लाको सक्रिय संक्रमितको संख्या ५ सय ९९ पुगेको छ ।
संक्रमितमध्ये जिल्लामा हस्पिटल आइसोलेसनमा १२, संस्थागत आइसोलेसनमा ४ र होम आइसोलेसनमा ५ सय ८३ रहेका छन् । यस्तै आज ५८ जना संक्रमण मुक्त भएका छन् ।
