धादिङमा मंगलबार थप २५ जनामा कोरोना भाइरसको संक्रमण पुष्टि भएको छ ।
मंगलबार निलकण्ठमा ७, धुनिबेसिमा १, गल्छीमा २,गजुरीमा २, ज्वालामुखीमा ४, त्रिपुरासुन्दरीमा ३ र धादिङ्ग हस्पिटलमा ६ गरेर मंगलबार जिल्लामा २५ जनामा संक्रमण पुष्टि भएको छ ।
१०७ जनामा एनटीजेन परिक्षण गर्दा २५ जनामा संक्रमण देखिएको स्वास्थ्य कार्यालय धादिङले जानकारी दिएको छ ।
योसँगै धादिङमा सकृय संक्रमितको संख्या ४१२ पुगेको छ । संक्रमितहरु जिल्ला हस्पिटल आइसोलेसनमा ११ र होम आइसोलेसनमा ४०१ रहेका छन् । यस्तै मंगलबार २८ जना कोरोना संक्रमणमुक्त भएका छन् ।
