धादिङका २१ जनामा बुधबार कोरोना भाइरस संक्रमण पुष्टि भएको छ ।
संक्रमण पुष्टि हुनेमा गजुरी गाउपालिकामा ६ जना, गंगाजामुना गाउपालिकामा ४ जना, त्रिपुरासुन्दरी गाउपालिकामा ६ जना र ज्वालामुखी गाउपालिकामा ५ जना पोजिटिभ केश देखिएको स्वास्थ्य कार्यालय धादिङले जानकारी दिएको छ ।
बुधबार एन्टीजेन परिक्षण गरिएका ६५ जनामध्ये १७ जनामा पोजिटिभ आएको छ । योसगैँ जिल्लाको सक्रिय संक्रमितको संख्या ४ सय ५ जना पुगेको छ । संक्रमितमध्ये जिल्ला भित्र हस्पिटल आइसोलेसनमा १० र होम आइसोलेसनमा ३ सय ९५ रहेका छन् ।
बुधबार २८ जना संक्रमण मुक्त भएका छन् । त्यस्तै गजुरी गाउपालिकामा ३ जनाको स्वाब संकलन गरिएको छ ।
