४१ अौ पटक रक्तदान गर्नुहुने नेपाल रेडक्रस सोसाईटी मैदि उपशाखाका सचिव राजेन्द्र श्रेष्ठ (बायाँ ) र प्रमाण पत्र हस्तान्तरण गर्नुहुँदै धादिङ शाखाका सभापती नारायण तिमिल्सीना (दायाँ)
धादिङको ज्वालामुखी गाउपालिका वडा नम्बर २ मैदि सातदोबाटोमा नयाँ बर्ष २०७८ को अवसरमा बृहत खुल्ला रक्तदान कार्यक्रमको आयोजना गरीएको छ ।
स्वस्थिक बचत तथा ऋण सहकारी संस्था लिमिटेड र नेपाल रेडक्रस सोसाइटी मैदि उपशाखाको संयुक्त आयोजनामा रक्तदान कार्यक्रम गरीएको हो ।
रक्तदान कार्यक्रममा ६३ जना पुरुष र १६ जना महिला गरि जम्मा ७९ जनाले रगत दान गरेको नेपाल रेडक्रस सोसाइटी मैदि उपशाखाका सभापती राजन सिम्खडाले जानकारी दिनुभयो ।
यस्तै रक्तदान सम्बन्धी अभिमुखीकरण कार्यक्रम पनि सम्पन्न भएको छ । नेपाल रेडक्रस सोसाइटी मैदि उपशाखाले अभिमुखीकरण कार्यक्रम सञ्चालन गरेको हो ।
कार्यक्रममा रगतदान गर्ने उपयुक्त उमेर, रगतदिनुका फाईदा लगायतका विषयमा नेपाल रेडक्रस सोसाईटी धादिङ शाखाका सभापती नारायण तिमिल्सीना र मैदि उपशाखाका सचिव राजेन्द्र श्रेष्ठले सहजीकरण गर्नुभएको थियो ।
