धादिङमा मंगलबार थप ४८ जनामा कोरोना भाईरस संक्रमण पुष्टी भएको छ ।
संक्रमण पुष्टी हुनेमा निलकण्ठमा २, गल्छीमा ९, गजुरीमा २, बेनिघाटमा १०, ज्वालामुखीमा ८, त्रिपुरासुन्दरीमा २, गंगाजमुनामा ३ र धादिङ्ग हस्पिटलमा १२ जना रहेको स्वास्थ्य कार्यालय धादिङले जनाएको छ ।
यो सँगै धादिङमा कोरोना संक्रमितको संख्या ६ सय १ पुगेको छ । यस्तै मंगलबार १० जना कोरोना संक्रमणमुक्त भएका छन् ।
जिल्लामा हस्पिटल आइसोलेसनमा १३, संस्थागत आइसोलेसनमा ४ र होम आइसोलेसनमा ५ सय ८४ रहेका छन् । त्यस्तै १ सय ४९ एनटीजेन परिक्षण मध्ये ४७ पोजिटिभ आएको छ ।
