साना किसान कृषि सहकारी संस्था लिमिटेड सुनौला बजारले आफ्ना शेयर सदस्यहरुलाई पाडा वितरण गरेको छ ।
शेयर सदस्यहरुको आयस्तर वृद्धि गर्ने उद्देश्यले बुधबार पाडा वितरण गरेको हो । सहकारीले पाडा पालन घुम्ती कोष स्थापना गरि प्रत्येक वर्ष आफ्ना शेयर सदस्यहरुलाई पाडा वितरण गर्दै आएको साना किसान कृषि सहकारी संस्था लिमिटेड सुनौला बजारका प्रवन्धक भिमसेन श्रेष्ठले जानकारी दिनुभयो ।
यो वर्ष साविकको सुनौला बजार गाविसको वडा नम्बर ६, ७ र ४ नम्बर वडाका ५० घरधुरीलाई १० लाखमा ५० ओटा पाडा खरिद गरि वितरण गरेको हो । ७ सय ७८ शेयर सदस्य रहेको सहकारीको ४ करोड लगानी र ६८ लाख कुल पुँजी रहेको छ ।
