धादिङका ३० जनामा शुक्रबार कोरोना संक्रमण पुष्टि भएको छ ।
संक्रमण पुष्टि हुनेमा निलकण्ठ नगरपालिकामा ६ जना, धुनिबेसि नगरपालिकामा ४ जना, गल्छी गाउपालिकामा २ जना, ज्वालामुखी गाउपालिकामा ५ जना, गंगाजमुना गाउपालिकामा १२ जना, नेत्रवति डबजोङ गाउपालिकामा १ जना पोजिटिभ केश देखिएको स्वास्थ्य कार्यालय धादिङले जनाएको छ ।
शुक्रबार एन्टीजेन परिक्षण गरिएका ७१ जनामध्ये २१ जनामा पोजिटिभ आएको छ । योसगैँ जिल्लाको सक्रिय संक्रमितको संख्या ४ सय ३५ पुगेको छ ।
संक्रमितमध्ये जिल्ला हस्पिटल आइसोलेसनमा ५ र होम आइसोलेसनमा ४ सय ३० रहेका छन् । शुक्रबार ७१ जना संक्रमण मुक्त भएका छन् । त्यस्तै शुक्रबार सिद्धलेक गाउपालिकामा २८ जनाको स्वाब संकलन गरीएको छ ।
