धादिङमा सोमबार थप ५५ जनामा कोरोना भाइरस संक्रमण पुष्टि भएको छ ।
संक्रमण पुष्टि हुनेमा निलकण्ठ नगरपालिकामा ११ जना, धुनिबेसी नगरपालिकामा २ जना, गल्छी गाउपालिकामा २ जना, बेनिघाट रोराङ गाउपालिकामा ४ जना, ज्वालामुखी गाउपालिकामा ८ जना, त्रिपुरासुन्दरी गाउपालिकामा २ जना, गंगाजमुना गाउपालिकामा १ जना, सिद्धलेक गाउपालिकामा ४ जना र धादिङ्ग हस्पिटलमा २१ जनामा पोजिटिभ आएको स्वास्थ्य कार्यालय धादिङले जानकारी दिएको छ ।
सोमबार एन्टीजेन परिक्षण गरीएका १ सय ५७ जनामध्ये ३३ जनामा पोजिटिभ आएको छ । योसगैँ जिल्लाको सक्रिय संक्रमितको संख्या ४ सय १५ पुगेको छ । संक्रमितमध्ये जिल्ला भित्र हस्पिटल आइसोलेसनमा १४ र होम आइसोलेसनमा ४ सय १ रहेका छन् ।
सोमबार २६ जना संक्रमणमुक्त भएका छन् । त्यस्तै सोमबार गजुरी गाउपालिकामा १५ जनाको स्वाब संकलन गरीएको छ ।
