मालपोत कार्यालय धादिङको कामकाज मंगलबार करिब ४ घण्टा रोकियो । मालपोत कार्यालयमा कार्यरत कर्मचारी महेन्द्र पोखरेलमाथि दुव्र्यवहार गर्ने व्यक्तिलाई कारबाही गर्न माग गर्दै कर्मचारीहरुले बिहान १० बजेदेखि २ बजेसम्म कार्यालयको कामकाज रोकेका थिए ।
यस्तै पोखरेलमाथि भएको दुव्र्यवहारप्रति नेपाल निजामती कर्मचारी युनियन धादिङले दोषीलाई कारबाहीको माग गर्दै आज पनि प्रमुुख जिल्ला अधिकारीसमक्ष ज्ञापनपत्र बुझाएका थिए । पोखरेलमाथि दुव्र्यवहार गर्नेलाई कारबाही नगरेसम्म कार्यालयको कामकाज नगर्ने बताएपछि आजै पीडित पोखरेल र पोखरेलमाथि हातपात गर्ने पीडक पक्षबिच छलफल गरिएको थियो ।
छलफलमा पीडकले पोखरेलमाथि गरेको दुव्र्यवहारप्रति माफी मागेकोले यो विषयलाई टुङ्गाउदै दिउँसो २ बजेबाट पुन कार्यालयको कामकाज सुचारु गरिएको मालपोत कार्यालय धादिङका प्रमुख रामकृष्ण तामाङले जानकारी दिनुभयो । २ बजेबाट कार्यालयको कामकाज सुचारु भएपनि बिहान १० बजेदेखि कामको लागि आएका सेवाग्राहीहरु मर्कामा परेका थिए
