मिलिनियम च्यालेन्ज कर्पोरेसन (एमसिसि)को विरुद्ध खबरदारी गर्न मंसिर ४ गते अर्थात भोली शनिबार खुलामञ्चमा विशाल आमसभा हुने भएको छ । कर्णजित बुढाथोकीको नेतृत्वको नेकपा (माओवादी केन्द्र समाजवादी)ले खुलामञ्चमा विशाल आमसभाको आयोजना गर्न लागेको हो ।
शुक्रबार रिपोर्टर्स क्लबमा पत्रकार सम्मेलन गरेर राष्ट्रघाती एमसीसी खारेजीको मागको लागि आयोजना गरिएको आमसभाको सम्पुर्ण तयारी पुरा भएको जानकारी दिइएको छ । बिहान ११ बजे खुलामञ्चमा उपस्थित् भई एमसीसीको खारेजीको माग गर्न पनि धादिङवासी लगायत सबैलाई आग्रह गरेको छ ।
जनसभामा करिब २० हजार भन्दा बढि जनसंख्याको उपस्थिति हुने आंकलन गरिएको जनसभामा विभिन्न झाकीसहितको उपस्थिति हुने बताईएको छ ।
