नेकपा माओवादी केन्द्र गजुरी धादिङले अझैसम्म नेतृत्व चयन गर्न सकेको छैन ।
धादिङको १३ स्थानीय तहमध्ये १२ वटा स्थानीय तहमा सर्वसम्मत नेतृत्व चयन भइसकेको छ । तर गजुरीमा भने अझै नेतृत्व चयन गर्न सकेको छैन । गजुरी गाउँपालिकामा अध्यक्ष पदका लागि आकाङ्क्षी धेरै हुँदा नेतृत्व चयनमा सकस भएको माओवादी केन्द्र धादिङले जनाएको छ ।
सहमतिको लागि छलफल जारी रहेको नेकपा माओवादी केन्द्र धादिङका अध्यक्ष धनबहादुर बुर्लाकोटीले जानकारी दिनुभयो ।
