धादिङका गुरुङ वडा अध्यक्षहरु सम्मानित भएका छन् । नेपाल तमू (गुरुङ) विद्यार्थी छोंज धी धादिङको पाचौं अधिवेशन तथा सम्मान कार्यक्रमको अवसरमा गुरुङ वडा अध्यक्षहरुलाई सम्मान गरेको हो ।

सम्मानितहुने वडा अध्यक्षहरुमा निलकण्ठ नगरपालिका वडा नम्बर १ का गणेश गुरुङ, वडा नम्बर २ का ध्वजबहादुर गुरुङ, वडा नम्बर १३ का सोमबहादुर गुरुङ, ज्वालामुखी गाउँपालिका वडा नम्बर ४ का कृष्णबहादुर गुरुङ, गंगाजमुना गाउँपालिका वडा नम्बर ३ का राजकुमार गुरुङ, नेत्रावती डबजोङ गाउँपालिका वडा नम्बर १ का ठाकुर गुरुङ, वडा नम्बर ४ का तिलबहादुर गुरुङ, वडा नम्बर ३ का सुरेश गुुरुङ, सिद्धलेक गाउँपालिका वडा नम्बर २ का शम्भु गुरुङ र रुविभ्याली गाउँपालिका वडा नम्बर ६ का वडा अध्यक्ष समिर गुरुङ गरि १० जना वडा अध्यक्षलाई बधाई सहित सफल कार्यकालको शुभकामना व्यक्त गर्दै सम्मान गरेको हो ।

नेपाल तमू गुरुङ विद्यार्थी छोंज धी धादिङका अध्यक्ष दोलख गुरुङको अध्यक्षतामा सम्पन्न भएको सम्मान कार्यक्रममा नेपाल तमू गुरुङ विद्यार्थीका केन्द्रिय अध्यक्ष पुकार गुरुङको प्रमुख आतिथ्य रहेको थियो ।

• नेपाल तमू (गुरुङ) विद्यार्थी छोंज धी धादिङको अध्यक्षमा अनिल गुरुङ चयन

कार्यक्रमलाई सम्बोधन गर्नुहुँदै कार्यक्रमका प्रमुख अतिथि एवं केन्द्रिय अध्यक्ष पुकार गुरुङ र विशेष अतिथि एवं तमू गुरुङ विद्यँर्थी वागमती प्रदेश प्रमुख पवन गुरुङले संगठनलाई सक्रिय बनाउँदै तमू विद्यार्थीहरूलाई आर्थिक, सामाजिक र राजनैतिक रूपमा सक्षमम वनाउँदै राज्य संचालनको तहमा पुग्न पहल गर्नुपर्ने बताउनुभएको थियो । साथै आफ्नो भाषा धर्म संस्कार संस्कृतिको संरक्षण विकास गरि प्रचार प्रसार गर्नुपर्ने वताउनुभयो ।

आगामी भाद्र २४ र २५ गते हुने ऐतिहासिक ११ औं राष्ट्रिय महाधिवेशन सम्पन्न हुन गईरहेको पनि जानकारी गराउनुभयो । यस्तै कार्यक्रमको अवसरमा नेपाल तमू ह्यूल छोंज धींको केन्द्रिय सचिवमा निर्वाचित गोपाल गुरुङ र सदस्यमा निर्वाचित गणेश गुरुङलाई पनि सम्मान गरिएको थियो ।

फोटो फिचर