इन्डोनेसियाको पश्चिमी जाभाको बेकासीमा दुई वटा रेल ठोक्किएर भएको दुर्घटनामा १४ जनाको ज्यान गएको छ । ८४ जना घाइते भएका छन् ।
राजधानी जकार्ता नजिकै भएको दुर्घटनामा उद्धारकर्ताले भग्नावशेषमा फसेका जीवित व्यक्तिलाई निकाल्ने काम गरिरहेका छन् । दुर्घटनापछि इन्डोनेसियाका राष्ट्रपति प्रबोवो सुबिआन्तोले बेकासीको अस्पतालमा पुगेर पीडित तथा घाइतेलाई भेट्नुभएको छ ।
जकार्ता–बेकासी मार्गमा चल्ने लामो दूरीका दुई रेलहरू ठोक्किँदा दुर्घटना भएको र घटनाको कारणबारे थप अनुसन्धान भइरहेको राष्ट्रिय यातायात सुरक्षा समितिका अधिकारीलाई उद्धृत गरी बीबीसीले जनाएको छ ।
