ज्वालामुखी गाउपालिका स्तरीय तेस्रो रास्ट्रपति रनिङ शिल्ड प्रतियोगिता शमिभन्ज्याङ माध्यामिक विद्यालयले जितेको छ । ९ स्वर्ण ,२ रजत र ३ कास्य पदक सहित शमिभन्ज्याङ मा.वि प्रथम भएको हो ।
मंसिर ३० गतेदेखि आज सम्म संचालन भएको प्रतियोगितामा सुनखानी मा.वि ६ वटा स्वर्ण, ४ रजत र ८ वटा कास्य पदक सहित द्धितीय भएको र त्रिपुरासुन्दरी मा.वि ६ स्वर्ण ,४ रजत र ३ कास्य पदक सहित तृतीय भएको पालिका शिक्षा युवा तथा खेलकुद शाखा प्रमुख देवकी सिंखडाले जानकारी दिनुभयो ।
त्यस्तै बालादेवी मा.वि ले ३ स्वर्ण ,३ रजत र २ वटा कास्य पदक, बराहकालिका मा.वि ले २ स्वर्ण ,५ रजत र ५ वटा कास्य पदक, अन्नपूर्ण मा.वि ले १ स्वर्ण ,३ रजत र २ वटा कास्य पदक, संस्कृति तथा साधारण मा.वि ले २ स्वर्ण ,१ रजत, सालबास मा.वि ले २ रजत र ५ वटा कास्य पदक, भुवनेश्वरी मा.वि ले १ स्वर्ण ,१ रजत, कालिका मा.वि ले ४ रजत र ठुलोचौर मा.वि ले १ रजत प्राप्त गरेको छ ।
