चितवनको इच्छाकामना गाउँपालिका-४ घोप्टेभीरमा सडकमाथिबाट खसेको ढुङ्गा लागेर मोटरसाइकल चालकको मृत्यु भएको छ ।
मंगलबार दिउँसो करिब ३:२२ बजे काठमाडौँबाट मुग्लिङतर्फ आउँदै गरेको बा ८५ प ६०१ नम्बरको मोटरसाइकलमाथि एक्कासि ढुङ्गा खसेको थियो । ढुङ्गाले लागेर मोटरसाइकल चालक ललितपुर महानगरपालिका-२० निवासी ६१ वर्षीय गंगाराम महर्जन गम्भीर घाइते भएका थिए ।
उनलाई उपचारका लागि भरतपुर सरकारी अस्पताल पठाइएकोमा चिकित्सकले दिउँसो ४:४९ बजे मृत घोषणा गरेका थिए ।
घटनाबारे थप अनुसन्धान भइरहेको प्रहरीले जनाएको छ । त्यस सडकबाट यात्र गर्दा सावधानी पुर्वक यात्र गर्न प्रहरीले अनुरोध गरेको छ ।










