पटक पटक स्थगित भएको नेकपा एमाले धादिङको नवौं जिल्ला अधिवेशनको बन्द सत्र अन्ततः निर्वाचन प्रक्रियाबाट छिनोफानो भएको छ । जिल्लामै पहिलो पटक विद्युतीय भोटिङ मेसिनको प्रयोग गरि गरिएको निर्वाचनमा भुमि त्रिपाठी र डा.रामकुमार अधिकारी चुनावी मैदानमा होमिएका थिए ।
अधिवेशनबाट नेकपा एमाले धादिङको अध्यक्षमा पुनः भूमि त्रिपाठी विजयी हुनुभएको छ । त्रिपाठीले ३०९ मत ल्याउदा उहाँका प्रतिद्वन्द्वी डा. रामकुमार अधिकारीले २३८ मत ल्याउनुभएको छ ।
त्यस्तै उपाध्यक्षमा अर्जुन श्रेष्ठ(गोर्खाली) ले ३१५ ल्याउदा उहाँका प्रतिद्वन्द्वी रामकुमार आचार्य २३२ ले मत ल्याउनुभयो । सचिवमा राधिका सापकोटाले ३३८ मत ल्याउदा उनका प्रतिद्वन्द्वी हरिराम लोहनीले २०९ मत प्राप्त गर्नुभएको छ ।
महिला उप सचिवमा उर्मिला रेग्मीले ३५१ ल्याउदा खुपी कुमारी तामाङले १९६ ल्याउनुभएको छ । खुल्ला उपसचिवमा भक्तबहादुर लामिछानेले ३४८मत ल्याउदा उनका प्रतिद्वन्द्वी काजी श्रेष्ठले १९९ मत प्राप्त गर्नुभएको छ ।
