धादिङको गल्छी गाउँपालिका वडा नम्बर ४ मास्टारमा एम्बुलेन्स दुर्घटना हुदा १ जना घाइते भएको छ ।
विहिबार दिउँसो २ बजेको समयमा धादिङबाट काठमाडौँतर्फ जादैँ गरेको प्रदेश ३–०१००२ झ ४९३८ नम्बरको एम्बुलेन्स र विपरित दिशाबाट आउदै गरेको ना ६ ख १२२० नम्बरको ट्रक एक आपसमा ठक्कर खादा एक जना घाइते भएको डिएसपि जागेश्व भण्डारीले जानकारी दिनुभयो ।
घाइते एम्बुलेन्स चालक गंगाजमुना गाउपालिका वडा नम्बर ७ का २८ बर्षीय सन्तोष श्रेष्ठको काठमाडौँमा उपचार भईरहेको छ । ठक्कर दिने ट्रक र ट्रक चालक प्रहरी चौकी बैरेनीको नियन्त्रणमा रहेको डिएसपि जागेश्वर भण्डारीले जानकारी दिनुभयो ।
