हेल्पीङ ह्यान्ड जापानले शनिबार खाद्यान्न सामाग्री वितरण गरेको छ । राम हरी कडेलको पहलमा हेल्पीङ ह्यान्ड जापानले धादिङको निलकण्ठ नगरपालिका वडा नम्बर १० हनुमान डाँडाका दलित, विपन्न परिवारलाई खाद्यान्न सामाग्री वितरण गरेको हो ।
६८ घरधुरीलाई १ लाख ५७ हजार रकम बराबरको खाद्यान्न सामाग्री वितरण गरीएको हो । जसमा प्रत्येक परिवारलाई १ बोरा चामल, १ लिटर तेल, नुन, दाल लगायतको खाद्यान्न सामाग्री वितरण गरिएको रामहरी कंडेलले बताउनुभयो ।
जापानमा विभिन्न पेसा व्यवसाय र अध्यायन गर्नेहरुको सहयोगमा राहात सामाग्री उपलब्ध गराएको हो । विश्वमा नै महामारीको रुपमा रहेको कोरोना भाइरस स्रक्रमणको बेलामा ज्याला मजदुरी गरी आफ्नो परिवार पाल्ने दलित विपन्न परिवारहरुलाई राहात मिलोस् भन्ने उद्देश्यले हेल्पीङ ह्यान्ड जापानले सहयोग गरेको कडेलले बताउनुभयो ।
कार्यक्रममा निलकण्ठ नगरपालिका वडा नम्बर १० का वडा अध्यक्ष विजयराज इटनी, दलित महिला सदस्य सुन्दरी परियार लगायतको रोहबरमा खाद्यान्न सामाग्री वितरण गरिएको कडेलले जानकारी दिनुभयो ।
