सदरमुकाम धादिङवेशींमा रहेको धादिङ अस्पतालले जडान गरेको अक्सिजन प्लान्टको आज उद्घाटन गरिएको छ । अक्सिजन प्लान्टको वागमती प्रदेशका सामाजिक विकास राज्यमन्त्री एवम् धादिङका प्रदेश सांसद डा. रामकुमार अधिकारीले उद्घाटन गर्नुभएको हो ।
अक्सिजन प्लान्टको उद्घाटन गर्दै डाक्टर अधिकारीले धादिङ अस्पताललाई सुविधा सम्पन्न बनाउने बताउनुभएको छ । अस्पतालको सुविधा सम्पन्न बनाउन चाडै नै आवश्यक यन्त्र उपकरणहरु उपलब्ध गराउन पहल भइरहेको बताउनुभयो ।
अस्पतालको फोहोर व्यवस्थापन, लाश फ्रिज गर्न, लड्रि मेसिन, थाइरोइड टेस्ट, मृगौला रोगीहरुको लागि डायलासिस सेवा दिने तयारी गरेको बताउनुभयो । अक्सिजन प्लान्टले ५ देखि ९० लिटरसम्मको अक्सिजन उत्पादन गर्ने र एक दिनमा १ देखि २५ वटा सम्म अक्सिजन सिलिण्डर भर्न सकिने छ ।
अक्सिजन भर्ने बुस्टर अस्पतालमा नभएको हुनाले अहिले अक्सिजन प्लान्ट बाट सिधै हरेक बेडहरुमा ९५ प्रतिशतको शुद्धतामा अक्सिजन पु¥याईने छ । उक्त प्लान्टबाट १० वर्ष सम्म अक्सिजन उत्पादन गर्ने बताइएको छ । यसले गर्दा बिरामीलाई आवश्यक पर्दा प्रयोग गर्न सहज हुने अस्पतालले जनाएको छ ।
भेन्टिलेटर सेवा, आइ.सी.यु सेवा देखि धादिङ अस्पतलामा हृदयघात सम्मको उपचार धादिङ अस्पतालमा सुरु भैसकेको जनाउँदै अस्पतालमा अहिले जनशक्तिको अभाव रहेको बताउनुभयो । जनशक्ति अभावको समस्या प्रदेश सरकारले हल गर्ने मन्त्रि अधिकारीले प्रतिवद्धता व्यक्त गर्नुभयो ।
