धादिङमा शुक्रबार थप १८ जनामा कोरोना भाइरसको संक्रमण पुष्टि भएको छ ।
थाक्रेमा १, नेत्रावतीमा ४, रुबिभ्यालिमा २, ज्वालामुखीमा १, गंगाजमुनामा ७ र धादिंग अस्पतालमा ३ गरेर जिल्लामा शुक्रबार १८ जनामा संक्रमण पुष्टि भएको छ ।
योसँगै जिल्लामा कोराना सकृय संक्रमितको संख्या ७६२ पुगेको छ । जिल्ला भित्र हस्पिटल आइसोलेसनमा १०, संस्थागत आइसोलेसनमा २९ र होम आइसोलेसनमा ६४२ रहेका छन् ।
त्यसैगरी जिल्ला बाहिर हस्पिटल आइसोलेसनमा २४ र होम आइसोलेसनमा ५७ रहेका छन् । शुक्रबार ६७ एनटीजेन परिक्षण भएकामध्ये १८ जनामा पोजिटिभ देखिएको स्वास्थ्य कार्यालय धादिङले जानकारी दिएको छ ।
यस्तै शुक्रबार ११४ जना कोरोना संक्रमणमुक्त भएका छन् । धादिङको सिद्धलेकमा ३५ र धादिंग हस्पिटलमा १४ गरेर शुक्रबार जिल्ला भित्र ४९ स्वाब संकलन भएको छ ।
