जिल्ला सामुदायिक आँखा केन्द्रमा मंगलबार एकै दिन ८३ जनाको मोतिया विन्दुको अप्रेशन गरिएको छ । भने १ सय १ जनाको आँखाको जाँच गरिएको छ ।
धादिङ विभिन्न स्थानमा चरण चरणमा संञ्चालन गरिएको आँखा शिविरमा मोतिया विन्दु भेटिएका आँखाका विरामीहरुको मंगलबार अप्रेशन गरिएको हो । तिलगंगाा आँखा प्रतिष्ठान काठमाण्डौं, जिल्ला सामुदायिक आँखा केन्द्र धादिङको समन्वय तथा स्थानिय स्वास्थ्य संस्थाको सहयोगमा आँखा शिविर संञ्चालन गरिएको थियो ।
१ सय ३३ जना मोतिया विन्दु भएका आँखाका विरामी मध्ये मंगलबार ८३ जनाको अप्रेशन गरिएको र बुधबार बाँकी ५० जनाको अप्रेशन गरिने जिल्ला सामुदायिक आँखा केन्द्र धादिङका नेत्र अधिकृत रामसिं तामाङले जानकारी दिनुभयो ।
