पृथ्वी राजमार्ग अन्तर्गत धादिङको गजुरी गाउँपालिका वडा नम्बर १ गजुरीबजारबाट प्रहरीले सोमबार ६ केजी गाँजासहित २ जनालाई पक्राउ गरेको छ ।
गल्छीबाट चितवनतर्फ जाँदै गरेको ग १५ प ३३५० नम्बरको स्कुटीमा लुकाई राखेको अवस्थामा गाँजा बरामद गरेको जिल्ला प्रहरी कार्यलय धादिङका डिएसपि लोकनाथ तिम्सीनाले जानकारी दिनुभयो ।
स्कुटीको चेकजाँच गर्ने क्रममा सोमबार दिउँसो १ः१५ बजेको समयमा गाँजा बरामद गरेको डिएसपि तिम्सीनाले बताउनुभयो । पक्राउ पर्नेमा नीलकण्ठ नगरपालिका वडा नम्बर ६ सुनौला बजारका २२ वर्षिय दिलिप दाहाल र सोही ठाउँका २० वर्षिय राजन परियार रहेका छन् ।
