कोरोनाको जोखीम उच्च भएको भन्दै धादिङवेशीमा रहेको सम्पूर्ण बैङ्क तथा वित्तिय संस्थाहरु बन्द गर्न जिल्ला कोभिड संकट व्यवस्थापन केन्द्रलेले निर्देशन दिएको छ ।
बैंङ्कहरुमा सर्वसाधरणको अत्याधिक भिडभाड भएकाले आगामी आईतबार देखी एक हप्ता सम्म बैंङ्क तथा वित्तिय संस्थाहरु बन्द गर्न निर्देशन दिएको हो ।
शुक्रबार बसेको जिल्ला कोभिड संकट व्यवस्थापन केन्द्रको वैठकले बैंङ्क तथा वित्तिय संस्थाहरु एक हप्ता बन्द गर्ने निर्णय गरेको हो । यस अघि बैंङक तथा वित्तिय संस्थाहरुले हप्ताको २ दिन १० बजेदेखी २ बजे सम्म सेवा सञ्चालन गर्दै आएको थियो ।
धादिङमा यो समाचार तयार पार्दासम्म कोरोना संक्रमणका कारण ३६ जनाले ज्यान गुमाईसकेका छन् भने, ९१७ कोरोना संक्रमित उपचाररत छन् । यस्तै अहिले सम्म ५५३ जना कोरोना संक्रमण मुक्त भएका छन् ।
