सदरमुकाम धादिङबेसिमा ५५ औँ रक्तसञ्चार स्थापना दिवसको अवसरमा खुल्ला रक्तदान कार्यक्रमको आयोजना गरेको छ । नेपाल रेडक्रस सोसाइटी धादिङ जिल्ला शाखाको आयोजनामा भएको रक्तदान कार्यक्रममा १३ जना पुरुष र ४ जना महिला गरी जम्मा १७ जनाले रगतदान गरेका छन् ।
यस्तै धादिङमा आर्थिक वर्ष ०७७/०७८ मा ६६९ जना महिला र २ हजार ९७ जना पुरुष गरी कुल २ हजार ७६६ स्वयमसेवी रक्तदाताले रक्तदान गरेको रक्त संचारकेन्द्र धादिङले जनाएको छ । यस अवधिमा जिल्लाका विभिन्न ३० ठाउँहरुमा रक्तदान कार्यक्रम भएको र जसमा रगत दिनेमा महिलाको तुलनामा पुरुष धेरै रहेका छन् ।
धादिङमा यो वर्ष भने ५ हजार पिन्ट रगत संकलन गर्ने लक्ष्य रहेको नेपाल रेडक्रस सोसाईटी धादिङ शाखाका मन्त्री एवं समाजसेवी नारायण कुमार श्रेष्ठले बताउनुभयो ।
साथै धादिङका नागरिकहरुले यो आर्थिक वर्षबाट रगत निशुल्क पाईने उहाँले बताउनुभयो । दुर्घटनामा परि घाईते भएका वा रगत आवश्यक पर्नेहरुलाई निशुल्क उपलब्ध हुने श्रेष्ठले बताउनुभयो ।
