१४ असार,२०७९
धादिङ– मंगलबार राष्ट्रिय वृक्षारोपण दिवस २०७९ को अवसरमा नीलकण्ठ नगरपालिका वडा नम्बर १२ स्थित पशुपति सामुदायिक वन क्षेत्रमा वृक्षारोपण कार्य गरिएको छ । डिभिजन वन कार्यालय धादिङको आयोजनामा भएको कार्यक्रममा नीलकण्ठ नगरपालिका वडा नम्बर १२, पशुपति सामुदायिक वन उपभोक्ता समूह, पशुपति मन्दिर व्यवस्थापन समिति, पशुपति टोल विकास संस्थाको समन्वय र सहकार्य रहेको थियो ।
“वृक्षारोपण गरी हरियाली कायम गरौं” भन्ने मूल नारा सहित आयोजना गरिएको कार्यक्रममा प्रमुख जिल्ला अधिकारी कृष्ण प्रसाद लम्साल, डिभिजन वन कार्यालय धादिङका प्रमुख तथा प्रतिनिधि,जनप्रतिनिधि, विभिन्न सरोकारवाला निकाय, सामाजिक संघ/संस्थाका प्रमुख तथा प्रतिनिधिहरु, सुरक्षाकर्मी र पत्रकारहरुको सहभागिता रहेको थियो । कार्यक्रममा सहभागीहरुले सामुदायिक वन क्षेत्रमा विभिन्न प्रजातिका वोट विरुवाहरु रोपेका थिए । हरेक वर्ष असार १४ गतेका दिन राष्ट्रिय वृक्षारोपण दिवस मनाउँदै आएको छ ।
