त्रिभुवन अन्तराष्ट्रिय विमानस्थलबाट झण्डै २० केजी सुन सहित एकजना विदेशी नागरिक पक्राउ परेका छन् । विमानस्थल भन्सार कार्यालयका अनुसार करिब २० केजी सुनसहित सुडानी नागरिक करिब ३२ वर्षका एक पुरुष पक्राउ परेका हुन् ।
एकै व्यक्तिले ठूलो मात्रामा सुन ल्याएको यो पहिलो पटक भएको भन्सार कार्यालयको दाबी छ । उनले ल्याएको झोलाबाट १९ केजी ९ सय ग्राम सुन बरामद गरिएको हो । अहिले बरामदको पक्रिया चलिरहेको भन्सार कार्यालयले जनाएको छ ।
उनी केहीबेर अघि फ्लाइ दुबइको विमानबाट विमानस्थलमा अवतरण गरेका थिए ।बरामदी पक्रिया सकिएपछि उनलाई अनुसन्धानका लागि प्रहरी वृत्त गौशालामा पठाइने छ ।
