जिल्ला सामुदायिक आँखा केन्द्र धादिङमा ८४ जना मोति विन्दु भएका विरामीहरुको शल्यक्रिया गरिएको छ ।
हिजो विहिबार २० जना र आज शुक्रबार ६४ जनाको मोतिविन्दुको शल्यक्रिया गरिएको जिल्ला सामुदायिक आँखा केन्द्र धादिङका नेत्र अधिकृत रामसिंह तामाङले जानकारी दिनुभयो ।
तिलगंगा आँखा प्रतिष्ठान काठमाण्डौं र जिल्ला सामुदायिक आँखा केन्द्र धादिङले जिल्लाको विभिन्न स्थानमा सञ्चालन गरेको निशुल्क आँखा शिविरमा मोतिविन्दु भेटिएकाहरुको शल्यक्रिया गरिएको उहाँले बताउनुभयो ।
यस्तै भोली शनिबार पनि जिल्ला सामुदायिक आँखा केन्द्र धादिङमा आँखाको जाँच र मोतिविन्दुको शल्यक्रिया गरिने नेत्र अधिकृत तामाङले बताउनुभयो ।
