अर्जुन श्रेष्ठ, धादिङ
असोज २५ गते
समाजमा देखिएका सामाजिक कूरीति अन्त्यका लागि बालबालिका नै सक्रिय रुपमा लाग्न थालेका छन् । ग्रामिण क्षेत्रमा १२-१४ वर्षमै विवाह गर्ने चलनबाट बालबालिकाले भोगेका समस्या देखेपछि बालविवाह जस्ता समाजमा देखिएका समस्या न्यूनिकरणमा जुटेको ७ औ अन्तर्राष्ट्रिय बालिका दिवसको अवसरमा रेडियो धादिङद्धारा आयोजित टेकओभर कार्यक्रममा उनीहरुले बताएका हुन् ।
नाटक, विभिन्न चेतनामूलक कार्यक्रम, साँकृतिक कार्यक्रम, महिला समुहमा छलफल जस्ता कार्यक्रमबाट समाजमा जनचेतना दिदै आएको गजुरी गाउँपालिका ६ धादिङकी राधिका चेपाङले बताउनुभयो । बाल क्लवले समाजमा रहेका सामाजिक कूरीति न्यूनिकरणमा काम गर्न थालेपछि ५० प्रतिशत समस्या न्यूनिकरण भएको उहाँले बताउनुभयो । गाउँमा भएको ३ जोडी बालविवाह, बालविवाह गर्न तयारी गरेका परिवार, हिंसामा परेका महिला दिदिबहिनीको उद्धार गरेको चेपाङले बताउनुभयो । उहाँ भन्नुहुन्छ– सोच परिवर्तन नभएसम्म समाज परिवर्तन गर्न सम्भव छैन । पहिले बाल विवाह गर्न हुदैन भन्दा विवाह गर्न नदिने भयो भनेर भन्ने बालबालिका तथा अभिभावक अहिले हामीलाई नै सहयोग गर्दा आफुलाई खुषी लागेको उहाँले बताउनभयो ।
त्यस्तै, बलबालिकामा हुने समस्या समाधानमा महिला पुरुष दुवैलाई चेतना दिन आवश्यक रहेको भन्दै बाल क्लव मार्फत सक्रिय रुपमा लागेको बेनीघाट रोराङ गाउँपालिका ४ धादिङकी यलिशा घलेले बताउनुभयो । समाजमा बालबालिकाका समस्या समाधान गर्ने हो भने अभिभावकलाई जन चेतना दिन आवश्यक रहेको उहाँको भनाइ छ । उहाँ भन्नुहुन्छ– समाजमा हुने लैङ्गिक हिंसाका कारण बालबालिकामा ठूलो असर परिरहेको छ । अभिभावकको बानी व्यवहार तथा निर्णयले बालबालिकालाई प्रत्यक्ष रुपमा प्रभाव पार्ने हुदाँ बालबालिकाको समस्या समाधानमा अभिभावकलाई छुटाउन नहुने उहाँले बताउनुभयो । आफुले गर्दै आएको हरेक कार्यक्रममा अभिभावक, शिक्षक, गाउँका भद्र भलाद्मीहरुको सक्रिय सहभागिता हुने गरेको उहाँको भनाई छ ।
टेक ओभरमा किशोरीको नेतृत्व
गत वर्ष टेक ओभर कार्यक्रम सञ्चालिका सुष्मा गुरुङ हाल रेडियो धादिङ १०६ मेगाहर्जमा कार्यक्रम सञ्चालिका हुनुहुन्छ । टेक ओभर कार्यक्रमबाट पत्रकारिता क्षेत्रमा प्रवेश गर्न पाउँदा खुषी लागेको उहाँले बताउनुभयो । उहाँ भन्नुहुन्छ– हामी किशोरी पनि नेतृत्व लिन सक्छौं। मात्रै हाम्रा लागि अवसर आवश्यक हो । समज रुपान्तरणमा हामी अमुल्य भूमिका खेल्नेछौ उहाँले बताउनुभयो ।
गत वर्ष बालिका दिवस झै यस वर्षपनि देशभरका ३ सय वटा सामुदायिक रेडियोहरुमा सिक्ने र नेतृत्व लिने कार्यमा किशोरीले पनि उत्तिकै क्षमता बहन गर्न सक्छन् भन्ने धारण निर्माण गराउन रेडियोमा रेडियो पत्रकारको जिम्मेवारीमा किशोरीको नेतृत्व अर्थात टेक ओभर अन रेडियो (Takeover on Radio
) कार्यक्रम रेडियो धादिङमा गरिएको रेडियो धादिङका स्टेशन मेनेजर राजाराम शर्माले बताउनुभयो । अन्र्तराष्ट्रिय गैरसरकारी संस्था प्लान इन्टरनेशनल नेपालले किशोरीहरुका सवाल जनचेतना जगाउने उद्देश्यका साथ नेपाल लगायत विश्वभरी गल्र्स टेकओभर कार्यक्रम गत वर्ष पनि सञ्चालन गरेको उहाँको भनाई छ । कार्यक्रम टेक ओभर गर्ने सहकर्मी सुष्मा गुरुङ र अतिथि एवम् अभियन्ता २ जना गरी ३ जना किशोरीलाई प्रशंसा पत्र समेत दिएको उहाँले बताउनुभयो । सामुदायिक रेडियोको उद्देश्य समाजलाई सभ्य तथा समृद्ध बनाउन सहयोगीको भूमिका खेल्ने भएको भन्दै आगामी दिनमा नियमित यस्तै कार्यक्रम गर्ने उहाँको भनाइ रहेको छ ।
