मंसिर १०, धादिङ ।
पहिलो चरण अन्तर्गत आज ३२ जिल्लाका ३७ निर्वाचन क्षेत्रमा चुनाव हुँदैछ । मतदानका लागि आवश्यक पर्ने मतपत्र, मतपेटिका, स्वस्तिक छाप, नङमा लगाउने मसीलगायत ६४ प्रकारका सामान मतदान स्थलमा पु¥याइसकिएको र विहान ७ बजेदेखि मतदान सुरु हुने आयोगले जनाएको छ ।
आयोगले हरेक मतदान केन्द्रमा ९ देखि १२ जना कर्मचारी खटाएको छ । २ सय ५० जना मतदाता भएको केन्द्रमा ९ जना, ५ सय सम्म मतदाता भएको केन्द्रमा १० जना र ५ सय भन्दा बढी मतदाता भएको केन्द्रमा १२ जनाका दरले कर्मचारी खटाइएको छ ।
त्यसैगरी प्रदेश नम्बर तीनका छ वटा जिल्लामा पहिलो चरणमा चुनाव हुँदैछ । प्रदेश तीनका १३ जिल्लामा ३३ वटा निर्वाचन क्षेत्र रहेका छन् । यीमध्ये नुवाकोट, रसुवा, धादिङ, सिन्धुपाल्चोक, दोलखा र रामेछापका ९ वटा निर्वाचन क्षेत्रमा पहिलो चरण चुनाव हुनेछ । प्रतिनिधिसभाका लागि नुवाकोट, धादिङ र सिन्धुपाल्चोकमा दुईदुई वटा निर्वाचन क्षेत्र रहेका छन् भने रसुवा, दोलखा र रामेछापमा प्रतिनिधिसभाका लागि एकरएक वटा निर्वाचन क्षेत्र छन् ।
