पृथ्वी राजमार्गअन्तर्गत धादिङको गजुरी बन्छेटारमा सोमबार ट्रकले मोटरसाइकललाई ठक्कर दिदा एक जनाको मृत्यु भएको छ भने एक जना घाइते भएका छन् ।
गजुरीबाट काठमाण्डौं जादै गरेको बा ५ ख ३०४८ नम्बरको ट्रकले बागमती प्रदेश ०२–०२३ प ०२५४ नम्वरको मोटर साइकललाई ठक्कर दिदा मोटरसाइकल चालकको मृत्यु भएको हो । मृत्यु हुनेमा उत्तरी धादिङको खनियाबास गाउपालिकाका आन्दाजी ३२ वर्षका ताराबहादुर गुरुङ रहेको प्रहरीले जानकारी दिएको छ ।
दुर्घटना गम्भीर घाइते भएका तामाङको उद्धार गरेर गजुरी प्राथमिक स्वास्थ्य केन्द्रमा उपचारको क्रममा मृत्यु भएको प्रहरीले जानकारी दिएको छ । यस्तै घाइते अञ्जु गुरुङको काठमाण्डौं ट्रमा सेन्टरमा उपचार भइरहेको छ । मोटरसाइकललाई ठक्कर दिने ट्रक प्रहरी नियन्त्रणमा छ भने चालक घटना फरार रहेको प्रहरीले जानकारी दिएको छ ।
