Author: arbee gurung

चर्चित गायक अमृत सापकोटा र उहाँकी श्रीमती सुनिता बागदासको तीज गीत ‘शालि भेना’बजारमा आएको छ ।

अमृत सापकोटा र सुनिता बागदासको सुमधुर आवाज रहेको उक्त गीतमा लय तथा शब्द सृजना भने तिलक ओलीको रहेको छ । गीतमा चर्चित हास्यकलाकार किरण केसी रातामकै,लोशिना लामिछाने ,ऋतु तामाङ्ग लगाएतको दमदार अभिनय रहेको छ ।

करण चैसिर को छायांकन र मौसम हिमालीको निर्देशन रहेको गीतको भिडियो सम्पादन भने बिकाश ज्ञवाली गर्नुभएको हो । बाल गायिका कमला घिमिरेलाई संगीत बजारमा ल्याएर चर्चामा आएका अमृतको धेरै गीतहरु सुपरहिट छन् । यस तीज गीतलाई पनि स्रोता दर्शकबाट उत्कृष्ट प्रतिक्रिया पाईरहेको गायक अमृत सापकोटाले बताउनुभयो ।

भिडियो हेर्नुहोस्:-

लोक तथा दोहोरी गायिक राधा गुरुङले धुलो उडाउँदै बोलको तीजको गीत दर्शक तथा स्रोत माझ ल्याउनुभएको छ । राधा गुरुङ र कुशल वेलवासेको आवाज रहेको उक्त गीतमा अरुण थापाको शब्द संगीत रहेको छ ।

धौलागिरि ईन्टरटेन्मेन्टको अफिसियल युटुब च्यानल मार्फत सार्वजनिक भएको गीतमा रमेश बाबु थापा मगर र रिना थापाको अभिनय रहेको छ । हरितालिका तीजको कोसेली स्वरुप धुलो उडाउँदै बोलको तीजको गीत दर्शक तथा स्रोता माझमा ल्याएको गायिक राधा गुरुङले बताउनुभयो ।

अन्य गीतहरुलाई जस्तै यो गीतलाई पनि माया गर्नेमा आफु पूर्णरुपमा विश्वस्त रहेको गायिका गुरुङले बताउनुभयो । गायिका गुरुङको पछेउरी चुनीको, नबोली नबोली लगायतका गीतहरु चर्चित छन् ।
भिडियो हेर्नुहोस् :-