१० दिनदेखी हराईरहेकी गजुरी ८ किराञ्चोककी २० वर्षिया सम्झना रोक्का घर नजिककैको जंगलमा मृत अवस्थामा भेटिएकी छिन् ।
आईतबार विहान ११ बजे घर भन्दा माथी १ सय ५० मिटर टाढा कुकुरपानी जंगलमा भेटिएको स्थानिय केशव तिरुवालले जानकारी दिनुभयो । जंगलबाट गन्ध आएपछि खोजी गर्ने क्रममा रोक्काको शव भेटिएको स्थानिय तिरुवालले बताउनुभयो ।
तस्विर : केशव तिरुवाल
गजुरीबाट प्रहरीहरु घटनास्थलतर्फ जाँदै गरेको छ । कसैले बलात्कार गरेर जंगलमा मारेर फालेको हुन सक्ने भन्दै स्थानीयहरुले छिटो भन्दा छिटो सत्य तथ्य वाहिर ल्याउन माग गरेका छन् । सम्झना रोक्काको खोजीको लागि धादिङ अपडेट डटकमले किशोरी हराएको सूचना र समाचार प्रकाशन गरेको थियो ।
