धादिङमा आत्माहत्या गर्नेको संख्या बढिरहेको जिल्ला प्रहरी कार्यलय धादिङको एक तथ्याङ्कले देखाएको छ । ५ वर्षको अन्तरालमा अहिले सम्म ३ सय ३६ जनाले आत्माहत्या गरेको तथ्याङ्कले देखाएको छ । आत्महत्या गर्नेमा महिलाको भन्दा पुरुषको संख्या धेरै रहेको छ ।
५ वर्षको तथ्याङ्क अनुसार १ सय ९१ जना पुरुष र १ सय ४५ जना महिलाले आत्मा हत्या गरेका छन् । धेरैले झुण्डीएर आत्महत्या गर्ने गरेको जिल्ला प्रहरी कार्यलय धादिङका प्रहरी उपरिक्षक राजकुमार वैदवारले बताउनुभयो । प्रविधिको दुरुपयोग, सामाजीक संञ्जाल फेसबुकको गलत प्रयोग, वैदेशिक रोजगार लगायतको कारणले आत्महत्या गर्नेको संख्यामा वृद्धि भईरहेको प्रहरी उपरिक्षक वैदवारको भनाई छ ।
यस्तै घरेलु हिंसाका घटनामा पनि वृद्धि भएको छ । आर्थिक वर्ष २०७२/०७३ मा १ सय ५५, आर्थिक वर्ष ०७३/०७४ मा १ सय ६६, आर्थिक वर्ष ०७४/०७५ मा १ सय ८६ र आर्थिक वर्ष ०७५/०७६ मा १ सय ८५ ओटा घरेलु हिंसाका घटनाको निवदेन परेको तथ्याङ्कले देखाएको छ । यस्तै प्रहरीको तथ्याङ्क अनुसार लैङ्गिक हिसांको घटनामा आर्थिक वर्ष २०७३/०७४ मा ७७ ओटा, आर्थिक वर्ष ०७४/०७५ मा ९१ ओटा र ०७५/०७६ मा ४६ ओटा निवदेन परेको जिल्ला प्रहरी कार्यलय धादिङले जनाएको छ ।
समग्र तथ्याङ्ककको आधारमा पहिलेको भन्दा लैंङ्गिक हिंसा, घरेलु हिंसा बढेको जस्तो देखिए पनि यस्तो नभएको प्रहरीले जनाएको छ । पहिला घर भित्रै दविएर घटना लुक्ने गरेको तर अहिले खुलेर प्रहरीकोमा उजुरी गर्नेको संख्यामा वृद्धि भएकाले यस्तो देखिएको प्रहरीले जनाएको छ । आधुनिक जीवन शैली, मादक पदार्थ सेवन, असमझदारी लगायतका कारणले समाजमा यस्ता घटना हुने गरेको प्रहरी उपरिक्षक राजकुमार वैदवारको भनाई छ ।
यस्तै धादिङमा आर्थिक वर्ष २०७६/०७७ को ८ महिनाको अन्तरालमा ९ ओटा जवरजस्ती करणीका घटनाको मुद्दा दर्ता भएको छ । ९ ओटा मुद्दा दर्ता भएकोमा ४ ओटा फर्छौट र जवरजस्ती करणी गर्ने ७ जनालाई पक्राउ गरिएको छ । पछिल्लो ३ वर्षयता जिल्लामा जवरजस्तीकरणीका घटनामा वृद्धि भएको तथ्याङ्कले देखाउछ ।
आर्थिक वर्ष २०७४/०७५ मा २१ ओटा मुद्दा दर्ताको भएको थियो भने आर्थिक वर्ष २०७५/०७६ मा २८ ओटा जवजस्ती करणीका घटना प्रहरी कार्यलयमा दर्ता भएको जिल्ला प्रहरी कार्यलय धादिङका प्रहरी उपरिक्षक राजकुमार वैदवारले बताउनुभयो । यस्तै जवरजस्तीकरणी उद्योगमा ३ ओटा मुद्दा दर्ताको भएकोमा २ ओटा मुद्दा फर्छौट भईसकेको प्रमुख प्रहरी उपरिक्षक बैदवारले बताउनुभयो ।
त्यस्तै यो वर्षको ८ महिनाको अन्र्तरालमा जिल्ला प्रहरी कार्यलय धादिङमा ४ ओटा बहुविवाहको घटना दर्ताको भएको छ । ३ वर्षको तथ्याङ्क अुसार बुहुविवाहको घटना पनि वृद्धि भएको छ । आर्थिक वर्ष २०७४/०७५ मा १० ओटा बहुविवाहको घटना दर्ता भएको थियो भने आर्थिक वर्ष २०७५/०७६ मा १५ ओटा बहुविवाहको घटनाको मुद्दा दर्ता भएको प्रहरीको तथ्याङ्कमा छ ।
बढ्दो आधुनिकता, वेदेशिकरोजगार, सामाजीक संञ्जालको दुरुपयोग लगायतका कारणले अपराधिक घटना, आत्महत्या जस्ता समस्याहरु बढिरहेको जिल्ला प्रहरी कार्यलय धादिङका प्रहरी उपरिक्षक राजकुमार वैदवारले बताउनुभयो । धादिङमा यस्ता अपराधिक घटना न्यूनिकरणको लागि प्रहरीले विभिन्न सचेतनामुलक कार्यक्रम गर्दै आईरहेको छ ।
आत्महत्या, घरेलु हिंसा लगायत अपराधिक घटना प्रहरीको एक्लो प्रयासले मात्र न्यूनिकरण नहुने भएकाले सम्पूर्ण अभिभावक, संघ संस्था, विद्यालयका शिक्षक, मानवअधिकारकर्मी एकजुट हुनुपर्ने उहाँले बताउनुभयो ।
