फागुन २८, धादिङ ।
समृद्ध धादिङको कामना, एक घर एक व्यवसाय हाम्रो चाहना भन्ने नाराकासाथ आयोजना गरिएको धादिङ महोत्सव २०७४ सोमबार बाट सकिएको छ । धादिङको कृषि, पर्यटन, जलस्रोत तथा उद्योगको विकासका लागि निलकण्ठ नगरपालिकाको वडा नम्वर ४ रायटारमा साना तथा मझौला व्यवसायी महासंघ धादिङले महोत्सवको आयोजना गरेको हो ।
महोत्सव समग्रमा सभ्य भएतापनि मौसमका कारण केही असहज भएको अधिकाशं दर्शकहरुले बताएका छन् । समय सुहाउदो महोत्सव नभएका कारण दर्शकहरु कम आएको उनीहरुले बताएका छन् । दिनभर घाम चर्को हुने र बेलुका भएपछि हावाहुरी आउने, पानी पर्ने हुनाले आफुहरुले महोत्सवबाट जति मनोरञ्जनको अपेक्षा लिइएको थियो त्यो अपेक्षा पुरा नभएको दर्शकहरुको भनाई छ । त्यसैगरी दर्शकहरुले पुष तथा माग महिनामा महोत्सवको आयोजना गर्न सुझाव पनि दिएका छन् ।
कतिपयले खेलौनाको सामग्रीहरु कम भएको बताएका छन् भने कतिपयले स्थानीय उत्पादन कम भएको, उनका कपडाहरु लगायत हस्तकलाका सामग्रीहरु नभएको बताएका छन् । तर, अधिकाशंले महोत्सवको आयोजनाबाट आफुहरुलाई धेरै कुराको फाइदा भएको बताएका छन् । यसपालिको महोत्सवमा कहिलै नदेखेको हात्ति देख्न पाउदाँ छुट्टै आनन्द भएको उनीहरु बताउछन् । त्यसैगरी कलाकारहरुको प्रस्तुतीबाट मनोरञ्जन लिन पाउँदा खुशी भएको केही दर्शकहरुको भनाई छ ।
बजारको पसलहरुमा भन्दा महोत्सवमा सर सामानहरु सहुलियत मुल्यमा पाइने हुनाले पनि यस्ता मेलाहरु वर्षको एक पटक संचालनमा ल्याउनु आवश्यक भएको दर्शकहरु बताउछन्
